Balenga Loscerteles, Chulio.
Año de nacimiento del informante: 1936
Idioma de la entrevista: Aragonés del Somontano
"Chuegos de ninón. Cuando yerans chicotons, as zurrianganas. Ya sabes tú cuales son. Ixas que minchan mosquitos y cosetas chicotonas, porque son chicotas y por o garganchón no les pasan. Pues la cullíbanos y cómo yéramos tan malizos los criallos –¡Ahora no son cosa os criallos, no valen pa cosa, están arguellaus, no valen ta cosa!–. Nusotros les cortábanos a coda, a coda, d'atrás, y a los diez minutos ixa coda ya s'eba feito igual, y nos diban as mais: "!Ninos, no les cortéis a coda a's zurrianganas, porque son diaples, son diaples, son diaples, y nos dará o maleficio en casa, nos dará lo maleficio. Como son diaples, como son diaplea as zurrianganas, nos darán maleficio en casa ta os güellos, mal de riñons y a pichadera –que a pichadera, ¿sabes qu'era? O que ahora ye mal de próstata–. Antonces a llamaban a pichadera. "Iste tiene la enfermedad d'a pichadera"