S'alcuentra en un tozal con romeros, aliagas y carrascas. Bella cosa d'istas carrascas conserban repuis d'otras barracas aprobeitando un buen puesto ta la pasa d'abes.

Ista barraca ye güegueada por una paret esterior u rolde, de dica 50 zm d'alto, feita de piedras d'arena mesas á doble cara, en ringlera u mesmo beluna de canto. Aintro d'iste rolde hai una carrasca y a mosquera d'ella ye a propia superfizie ocupada por o rolde.
En o costau norte de o trallo d'a carrasca ye refirmau o barracón de planta zircular y parez de piedra seca, con 10 ringleras de piedras. Enzima d'ellas ye a cubierta interior de bobeda por amanamiento de 3 ringleras de piedras decantadas ta difuera, y rematada en una gran losa zentral. A cubierta esterior ye una superfizie plana de zaborra y buro. A suya dentrada mira enta 130º SE ande ye l'unico portillo de o rolde. A puerta tiene cabezero monolitico, ya crebau. A caseta tiene dos bentanetas enta o noreste y o surueste.