"Lo que tengo oiu ye qu'en el año 1914 venió por aquí Soroya, que le ficieron encargo de que pintara os trajes que le gustaban d'España entera. Y plegó ta Jaca, le fablarían d'o d'Ansó y le gustó muito. Venió y, desde aquí, u fendo os bocetos aquí y preparándolo en Jaca, lo pinto. Bi'stá estas dos mullés –Pilar mira una tarjeta que reproduce el cuadro de Soroya "Abuela y nieta" y explica quiénes son– Tía Sebastiana, de Casa Tomasé, que teniba una nieta que también se clamaba Sebastianeta. Yeran mullers que llevaban o traje en aquella época. Después estas dos mullés d'aquí rriba pues también yeran ansotanas –señala otro retrato del Museo de Ansó–. Y después, a imaginación suya, pintó A Jota, que ye o qu'agora han traiu ta Valencia y que va mucha chen a vielo. A jota ansotana, que toda la vida se bailó. Antis más se deciba que s'eba bailau o Alacay, que yera o baile,  una danza vasco-navarra que lo clamaban ansí, Alacay, pero que s'ha perdiu. A jota aún se conserva o que pasa ye que aquí no tenemos grupo pa que la pueda bailá, pero en os grupos folklóricos d'otros sitios, d'alrededó d'aquí, la llevan y ye muito maja también"

• SATUÉ OLIVÁN, Enrique. Archivo Enrique Satué Oliván. Testimonios de aquel Pirineo. Archivo sonoro, 2000-2007.
• SATUÉ OLIVÁN, Enrique. Siente. Testimonios de aquel Pirineo. Zaragoza: Prames, 2016.